Wang Yaping është astronautja e parë grua e Kinës që është nisur në stacionin e e ri hapësinor vendit.
Siç shkruan Daily Mail, 41-vjeçarja Wang, së bashku me dy kolegët meshkuj Zhai Zhigang, 55 vjeç dhe Ye Guangfu, 41 vjeç, u nisën me një raketë Long March-2F nga Qendra e Nisjes Satelitore Jiuquan në buzë të shkretëtirës Gobi.
Ekuipazhi do të kalojë gjashtë muaj në modulin bazë të një stacioni të ardhshëm hapësinor Tiangong, ku Wang gjithashtu do të bëhet gruaja e parë e Kinës që kryen një shëtitje në hapësirë.
Kapsula pritet të përfundojë lidhjen me modulin Tianhe brenda gjashtë orëve të ardhshme, duke filluar misionin që do të vazhdojë punën e ekuipazhit fillestar.
Shenzhou -13 është një nga katër misionet e ekuipazhit që synojnë të përfundojnë ndërtimin e stacionit hapësinor, një konkurrent i Stacionit Hapësinor Ndërkombëtar të NASA -s deri në fund të vitit 2022.
Wang, e cila është gjithashtu gruaja e dytë kineze në hapësirë, iu bashkua ushtrisë së vendit në vitin 1997, ku shërbeu si pilote për Forcat Ajrore të Wuhanit.
Në vitin 2010, ajo u bë zyrtarisht astronautja e dytë femër e Kinës dhe tre vjet më vonë, ajo shkoi në hapësirë dhe orbitoi rreth Tokës. Por kjo është hera e parë, që ajo shkon në stacionin e ri hapësinor të vendit.
Në qershor, kombi shpalli planet për të dërguar misionin e tij të parë të ekuipazhit në Mars në vitin 2033 me qëllim të ndërtimit të një baze dhe nxjerrjes së burimeve nga Planeti i Kuq.
Së bashku me “pushtimin” e Marsit, Kina po kërkon gjithashtu të krijojë një bazë në polin jugor të Hënës, për të cilën po punon me Rusinë për ta përfunduar.
