Dhjetëra mijëra anëtarë të sindikatave dhe italianë të tjerë u mblodhën në Romë për të protestuar kundër qytetarëve që kundërshtojnë vaksinimin me detyrim.
Kjo vjen një javë pasi qytetarë të shumtë hynë me forcë në selinë e konfederatës më të fuqishme të punës në Itali, ndërsa protestonin kundër kërkesës së certifikatës së COVID-19 për vendet e punës.
Kreu i konfederatës sindikale CGIL, Maurizio Landini, udhëhoqi protestën me drejtuesit e tjerë të punës nën sloganin: “Kurrë më fashizëm”.
Organizatorët e vendosën turmën e mbledhur para bazilikës së Shën Gjon Lateranit për protestën me 100,000 veta,
Disa pjesëmarrës valëvitën flamujt që lexonin “Po vaksinimit”, një përgjigje e drejtpërdrejtë për protestuesit e armatosur me shkopinj dhe shufra metalikë që shkatërruan selinë e CGIL në Romë më 9 tetor.
Ata po protestonin ndaj një kërkese të qeverisë, e cila hyri në fuqi të premten, duke e bërë me detyrim dëshminë e vaksinimit, një test negativ brenda 48 orëve ose provën e shërimit nga COVID-19 për të hyrë në vendet e punës.
