Banda e Lushnjës
Ditën e sotme në Peqin, buzë lumit Shkumbin u gjet i pajetë një person i cili ishte qëlluar me armë zjarri.
Policia ka mundur të identifikojë viktimën i cili është Elton Simaku (Mermali) alias “Alban Semaku” 38-vjeç banues në Lushnjë.
38-vjeçari njihet si anëtar i Bandës së Lushnjës që drejtohej nga Aldo Bare.
Viktima është identifikuar nga e ëma, në morgun e Spitalit Rajonal të Elbasanit.
Dyshimet e para kanë dalë në përfundimin se vrasja është kryer diku tjetër dhe më pas ekzekutorët e kanë sjellë trupin e pajetë aty.
38-vjeçari është gjetur i vrarë me dy plumba në shpinë dhe brinjë mbrëmjen e kaluar, por trupi i pajetë është gjetur ditën e sotme. Ndërkohë, policia dhe prokuroria vijojnë hetimet për të zbardhur ngjarjen.
