Të tjera informacione janë zbuluar nga ngjarja e rëndë në Peqin, ku sot u zbulua një trup i pajetë në afërsi të lumit Shkumbin.
Sipas “Balkanweb”, viktima i cili mendohet të jetë rreth moshës 45-vjeçare, ka dy plagë të shkaktuara me armë zjarri. Një pas shpinës dhe një anësore nga brinjët.
Vrasja dyshohet të ketë ndodhur ose mëngjesin e kësaj të diele ose mbrëmjen e kaluar në fshatin Çermë të Peqinit. Hetuesit besojnë se viktima nuk është banor i zonës, ndërsa ende vijon puna për identifikimin e të ndjerit dhe zbardhjen e ngjarjes.
