Mungesa e qëndrueshmërisë në në Afganistan mund të provokojë një valë tjetër refugjatësh që mund të prekë Evropën, tha kreu i delegacionit taliban, Abdul Salam Hanafi, për RT në Moskë, duke i bërë thirrje botës që të ndihmojë vendin.
Hanafi vlerësoi rezultatet e Konsultimeve të Formatit të Moskës për Afganistanin, duke e quajtur takimin ‘shumë të dobishëm’. Ai në mënyrë të veçantë përshëndeti faktin që të gjithë pjesëmarrësit ranë dakord për nevojën e ruajtjes së qëndrueshmërisë dhe sigurisë në Afganistan, duke shtuar se ky është qëllimi i qeverisë së krijuar edhe nga talibanët.
Pavarësisht se talibanët u cilësuan si organizatë terroriste dhe u ndaluan në Rusi, përfaqësuesve të degës së saj politike iu dha leja të fillonin të merrnin pjesë në bisedimet në Moskë në fillim të këtij viti në një përpjekje për të krijuar një marrëveshje paqeje me qeverinë e presidentit tashmë të rrëzuar, Ashraf Ghani.
Që atëherë, grupi militant ka marrë kontrollin e pothuajse të gjithë Afganistanit, pas tërheqjes së trupave amerikane dhe aleatëve të tyre.
