Ditën e hënë do të mbeten pa energji elektrike disa zona në Tiranë. Lajmin e ka konfirmuar Operatori i Shpërndarjes së Energjisë Elektrike (OSHEE), që njofton se shkak për këtë janë bërë disa punime.
“Në vijim të investimit për mirëmbajtjen e rrjetit, në datën 25 tetor gjatë intervalit kohor 11:00-13:00 do të kryhen punime në NST Traktora.”- thuhet në njoftimin e OSHEE-së.
Zonat që do të mbeten pa energji elektrike:
Pjesërisht: Kodra e Priftit, Shkozë, zona pranë Depos së Ujit, Rruga “Todi Shkurti” (pranë pallateve Grand), “Kodra e Kokonozëve”, rruga “Pasho Hysi’, Kryegjyshata, Poligrafiku, Burgu 325, Pallate pranë Oxhakut te shkolla e Bashkuar, Porcelani, Zona Farkë Zona rreth “Qytetit Studenti”, Zona pranë ish-Uzinës Traktori,
Shkozë.
