Gjykata ka vendosur t’i lërë në burg pa afat dy të rinjtë që shoqëronin Aldi Ramën, në momentin kur ai vrau oficerin e policisë, nënkomisarin Saimir Hoxha.
Gjykata e Apelit në Shkodër la në fuqi vendimin e Gjykatës së shkallës së parë në Lezhë, duke rrëzuar kërkesën e Armando Markut dhe Kristjan Sherrit të cilët kërkonin një masë më të butë.
Kujtojmë se dy të rinjtë ishin në makinë me 21-vjeçarin Aldi Rama kur ndodhi vrasja. Ata ishin ndaluar nga policia për kontroll, pas një operacioni anti-drogë në zonën e Ishull Shëngjinit, pranë lagunës së Vainit në lezhë kur 21-vjeçari qëlloi me armë drejt nënkomisarit.
Pak orë pas vrasjes ndërsa ishte në kërkim, Policia njoftoi se 21-vjeçari vrau veten me të njëjtën armë.
