Një certifikatë me sa duket funksionale Covid e BE-së që mban emrin e Adolf Hitlerit ka qarkulluar në internet këtë javë, përpara se të anulohej. Incidenti ngre pikëpyetje për sigurinë e sistemit të ‘pasaportës së vaksinës’.
Një kod QR u shfaq në internet të martën dhe kur u skanua me disa aplikacione verifikimi, zbuloi një Certifikatë Dixhitale Covid të BE-së që mbante emrin ‘Adolf Hitler’, i lindur më 1 janar 1900.
Disa versione të kodit u vunë re më pas në forumet e teknologjisë, disa me emrin me shkronjë të madhe, të tjera me ditëlindje të ndryshme. Por të gjithë do t’i kishin dhënë Hitlerit qasje në çdo ngjarje në mjedise të mbyllura në BE.
Historia u kap nga mediat italiane, por nuk dihet se nga kanë ardhur në të vërtetë elementet e sigurisë të nevojshme për gjenerimin e kodit QR të Hitlerit. Që nga e mërkura pasdite, certifikata me emrin e Hitlerit u revokua, por një përdorues polak në një forum teknologjik ende pretendonte se po shiste certifikata të falsifikuara.
