Një 56-vjeçar ka humbur jetën sot, pasi ndërsa ishte duke drejtuar një zetor, ka humbur kontrollin e mjetit dhe ka dalë nga rruga.
Ngjarja ka ndodhur në fshatin Gëziq, në Mirditë.
“Më datë 04.11.2021, rreth orës 12:25, në fshatin Gëziq, Mirditë shtetasi R.Gj., 56 vjeç, duke drejtuar mjetin bujqësor zetor ka humbur kontrollin dhe ka dalë nga rruga, ku për pasojë ka gjetur vdekjen.”- thuhet në njoftimin e Policisë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
