Komisioni Evropian, ka disbursuar sot 90 milionë euro Asistencë Makro-Financiare për Shqipërinë (AMF). Ky disbursim është kësti i dytë dhe i fundit i një programi mbështetjeje prej 180 milionë eurosh për Shqipërinë, i cili është pjesë e paketës së AMF së prej 3 miliardë eurosh për dhjetë partnerë të zonës së zgjerimit dhe fqinjësisë që synon t’i ndihmojë ata të kufizojnë pasojat ekonomike të pandemisë COVID-19. Programi është një demonstrim konkret i solidaritetit të BE-së me partnerët e saj për të ndihmuar në përgjigjen ndaj ndikimit ekonomik të pandemisë COVID-19.
Paolo Gentiloni, Komisioneri për Ekonominë, tha: “Jam shumë i kënaqur që shoh këto fonde të shkojnë sot në Shqipëri. Ky disbursim është një demonstrim i solidaritetit të BE-së me popullin shqiptar, por edhe i angazhimit të Shqipërisë për të përmbushur agjendën e rëndësishme të reformave të rënë dakord me Komisionin Evropian.
Disbursimi i parë prej 90 milionë eurosh për Shqipërinë në kuadër të këtij programi të AMF-së-së u bë në mars 2021. Shqipëria ka përmbushur kushtet e politikës së rënë dakord me BE-në për lëvrimin e këtij disbursimi të dytë dhe të fundit prej 90 milionë eurosh në kuadër të programit të AMF-së COVID-19. Këto përfshijnë masa të rëndësishme për të forcuar financat publike dhe qëndrueshmërinë e sektorit financiar, për të përmirësuar qeverisjen dhe për të luftuar korrupsionin dhe për të rritur mbrojtjen sociale.
Gjithashtu, Shqipëria vazhdon të përmbushë parakushtet për dhënien e AMF-së për sa i përket respektimit të të drejtave të njeriut dhe mekanizmave efektivë demokratikë, duke përfshirë një sistem parlamentar shumëpartiak dhe shtetin e së drejtës.
