Një nga autorët e dyshuar të plagosjes së ndodhur mbrëmjen e sotme pranë zonës së osh-Bllokut në Tiranë është kapur nga policia.
Po kështu policia njofton se ka bllokuar edhe mjetin tip ‘Mercedes-Benz’ që është përdorur nga autorët për t’u larguar nga vendi i ngjarjes.
Në pranga ka rënë 38-vjeçari me iniciale K.M., ndërsa është shpallur në kërkim një tjetër person.
Dyshohet se i lënduari e dy autorët e dyshuar janë përplasur për motive të dobëta e më pas kanë përdorur armën e zjarrit.
Njoftimi
“Falë reagimit të menjehershëm të shërbimeve të Policisë në kohë rekord u bë e mundur kapja dhe arrestimi i njërit prej autorëve të plagosjes me armë të një shtetasi si dhe bllokimi i mjetit me të cilin autorët u larguan nga vendi I ngjarjes. Rreth orës 19:00, në vendin e quajtur “Shallvaret” në afërsi të një bar-kafeje, dyshohet se pas një konflikti të çastit është plagosur me armë zjarri shtetasi I. Sh, 32 vjeç, i cili ndodhet në spital, nën kujdesin e mjekëve. Si rezultat i reagimit të menjehershëm të sherbimeve të Policisë në kohë rekord u bë kapja dhe shoqërimi në ambientet e Policisë për veprime të metejshme i njërit prej autorëve të dyshuar të ngjarjes shtetasit K. M, 38 vjeç dhe bllokimi i mjetit tip “Benz” që u përdor nga autorët për t’u larguar nga vendi i ngjarjes. Shërbimet e Policisë janë vënë në ndjekje të autorit tjetër të ngjarjes i cili ka mundur të zbresë nga automjeti dhe të largohet në brendësi të pallateve. Grupi hetimor ndodhet në vendngjarje dhe po punon për sqarimin e plotë e rrethanave të ngjarjes dhe dokumentimin e plotë të saj.”
