Dhjetë pacientë të prekur nga Covid-19 kanë vdekur pasi një zjarr shpërtheu brenda një reanimacioni në një spital në Ahmednagar, një qytet në shtetin perëndimor të Indisë, Maharashtra, të shtunën në mëngjes. Një person ka mbetur i plagosur gjithashtu.
Një hetim paraprak sugjeron se zjarri u shkaktua nga një qark i shkurtër elektrik, thanë autoritetet vendase. Një zyrtar tjetër citohet të ketë thënë se reanimacioni i shkatërruar ishte ndërtuar së fundmi për të trajtuar pacientët me Covid-19.
Kryeministri i Maharashtrës, Uddhav Thackeray, urdhëroi një hetim mbi incidentin. Kryeministri indian Narendra Modi tha se ishte ‘i shqetësuar’ nga humbja e jetëve.
India ka parë disa zjarre vdekjeprurëse në spitalet që trajtojnë të sëmurët me koronavirus këtë vit. Në prill, 14 pacientë u vranë nga një zjarr në një spital në Virar, Maharashtra. Një zjarr i ngjashëm shpërtheu në një spital në shtetin e Gujarat muajin pasardhës, ku vdiqën 16 pacientë dhe dy infermierë.
