Adresat e shtëpive dhe numrat personalë të telefonit të politikanëve laburistë thuhet se u vodhën gjatë një ‘incidenti kibernetik’ që prek ofruesin e IT të partisë – duke shkaktuar frikë nga siguria personale pas vrasjes së deputetit konservator, David Amess.
Partia Laburiste konfirmoi të enjten se një ‘sasi e konsiderueshme’ e të dhënave të saj ishte ‘e paarritshme’ pas një sulmi kibernetik të fundit në sistem. Ndonëse ‘përfshirja dhe ndikimi i plotë’ i tij nuk dihej, informacioni me sa duket përfshinte lista të anëtarëve të partisë dhe përkrahësve të regjistruar, ndër të tjera.
Në një e’mail drejtuar deputetëve, Alison Giles, drejtoresha e sigurisë parlamentare, thuhet se tha se të dhënat e prekura ka të ngjarë të përfshijnë ‘hollësitë e plota të adresës’ dhe pranoi shqetësimet e parlamentarëve për shkeljen, ‘veçanërisht në dritën e ngjarjeve të fundit’.
Agjencia Kombëtare e Krimit (NCA), Qendra Kombëtare e Sigurisë Kibernetike (NCSC) dhe Zyra e Komisionerit të Informacionit (ICO) kanë filluar një hetim penal – dhe një zëdhënës i Laburistëve tha se partia kishte angazhuar ekspertë të palëve të treta dhe po punonte për të përcaktuar efektin e shkeljes.
