‘Health Canada’ po përditëson etiketat për vaksinat AstraZeneca dhe Johnson & Johnson duke shtuar ‘trombocitopeninë imune (ITP), një gjendje autoimune, si një efekt anësor të mundshëm.
Në një deklaratë, agjencia tha se raste shumë të rralla të ITP janë raportuar ndërkombëtarisht pas marrjes së vaksinave Vaxzevria (AstraZeneca) dhe Janssen (J&J) COVID-19.
ITP është një çrregullim që mund të shkaktojë mavijosje dhe gjakderdhje të lehtë ose të tepërt, e cila rezulton nga nivelet jashtëzakonisht të ulëta të trombociteve në gjak.
Raste të tilla zakonisht ndodhin brenda 28 ditëve pas vaksinimit, tha agjencia. Jashtë Kanadasë janë raportuar vdekje si rezultat i ITP pas vaksinimit. Disa raste ndodhën në individë që kishin një histori të mëparshme të çrregullimit.
Të dyja vaksinat AstraZeneca dhe J&J janë miratuar për përdorim në Kanada dhe konsiderohen të sigurta dhe efektive.
Health Canada tha se nëse një individ ka një histori të një çrregullimi trombocitopenik, siç është trombocitopenia imune, rreziku i zhvillimit të niveleve të ulëta të trombociteve duhet të merret parasysh përpara bërjes së vaksinës dhe rekomandohet monitorimi i trombociteve pas vaksinimit.
