Një parti e krijuar pak javë më parë nga dy persona të diplomuar në Universitetin e Harvardit ka dalë e para në zgjedhjet parlamentare të së dielës në Bullgari duke lënë pas vetes partitë tradicionale me partinë konservatore të ish-kryeministrit Boiko Borisov që ka marrë 22% të votave.
Partia centriste fitoi zgjedhjet parlamentare të Bullgarisë, treguan rezultatet e pjesshme zyrtare të hënën, duke rritur shpresat për t’i dhënë fund ngërçit politik prej muajsh në shtetin më të varfër anëtar të Bashkimit Evropian.
Partia kundër korrupsionit ‘Ne Vazhdojmë Ndryshimin (PP), e krijuar vetëm dy muaj më parë nga dy sipërmarrës të arsimuar në Harvard, Kiril Petkov dhe Asen Vasilev, që shërbyen si ministra të përkohshëm, fitoi 25.5% të votave, bazuar në 93% të votave të numëruara nga zgjedhjet e së dielës, të tretat në Bullgari. kete vit.
Pasi dy zgjedhjet e mëparshme në prill dhe korrik dhanë një rezultat jo përfundimtar, votuesit bullgarë janë të prirur të shohin formimin e shpejtë të qeverisë së re për të trajtuar gjendjen e rëndë të krijuar nga pandemia Covid-19, rritjen e çmimeve të energjisë dhe korrupsionin e përhapur.
Por rezultatet e pjesshme tregojnë se parlamenti i ardhshëm do të jetë edhe më i copëzuar se në prill dhe korrik, me shtatë parti të përfaqësuara.
Bisedime të vështira për koalicionin
Pjesëmarrja e votuesve në votimin e së dielës vlerësohet në rreth 40% – një nivel i ulët historik mes zhgënjimit dhe apatisë publike dhe gjithashtu infeksioneve të koronavirusit që kanë lënë spitalet të mbingarkuara.
Partia e qendrës së djathtë GERB e kryeministrit afatgjatë Bojko Borisov doli e dyta me 22.2% të votave. Sundimi i tij dhjetëvjeçar përfundoi me zgjedhjet e prillit mes zemërimit publik për dështimin e tij për të goditur korrupsionin.
Presidenti Rumen Radev, një kritik i ashpër i Borisovit, fitoi 49.4% të votave në zgjedhjet presidenciale që u zhvilluan gjithashtu të dielën dhe pritet të fitojë një mandat të dytë pesë-vjeçar në postin kryesisht ceremonial në një balotazh të caktuar për më 21 nëntor.
Analistët thanë se partia e re PP dukej e pozicionuar më mirë për të nënshkruar një koalicion me mbështetjen e Socialistëve, aleancës kundër ryshfetit ‘Bullgaria Demokratike’ dhe partia ITN e moderatorit televiziv, Slavi Trifonov.
Megjithatë, pritennegociata të vështira përpara përcaktimit të qeverisë së re.
Kreu i PP Kiril Petkov, 41 vjeç, premtoi të dielën se do të ishte i hapur për dialog dhe kompromis në bisedimet e koalicionit, por tha se partia e tij nuk do të heqë dorë nga premtimet për të pastruar gjyqësorin dhe për të shtypur korrupsionin e përhaour në vend.
“Bullgaria po shkon në një rrugë të re,” tha Petkov, i cili shpreson të bëhet kryeministër dhe të ketë bashkëthemeluesin e tij të PP, Assen Vasilev, si ministër Financash.
Rezultatet përfundimtare zyrtare priten vonë të martën.
VINI RE: Ky material është pronësi intelektuale e Reuters
Përgatiti për Hashtag.al, Klodian Manjani
