Qeveria talebane i ka ndaluar gratë të shfaqen në dramat televizive në Afganistan.
Sipas rregullave të reja, gazetaret dhe prezantueset femra janë urdhëruar gjithashtu të mbajnë shami në ekran, megjithëse udhëzimet nuk thonë se çfarë lloj mbulimi duhet të përdorin. Gazetarët thonë se disa nga rregullat janë të paqarta dhe i nënshtrohen interpretimit.
Talebanët morën pushtetin në Afganistan në mes të gushtit dhe shumë kanë frikë se gradualisht po vendosin kufizime të ashpra.
Grupi militant islamik, i cili mori kontrollin pas largimit të forcave të SHBA-së dhe aleatëve, thuajse menjëherë udhëzoi vajzat dhe gratë e reja që të qëndronin në shtëpi dhe mos të shkojnë në shkolla.
Gjatë sundimit të tyre të mëparshëm në vitet 1990, grave u ndalohej arsimimi dhe vendi i punës.
Sipas BBC-së, grupi i fundit i udhëzimeve të talebanëvevpër kanalet televizive afgane, përmban tetë rregulla të reja.
Ato përfshijnë ndalimin e filmave që konsiderohen kundër parimeve të ligjit të Sheriatit dhe vlerave afgane, ndërsa pamjet e burrave që ekspozojnë pjesët intime të trupit janë të ndaluara.
Shfaqjet komedi dhe argëtuese që ofendojnë fenë ose mund të konsiderohen fyese për afganët janë gjithashtu të ndaluara.
Talebanët kanë këmbëngulur që filmat e huaj që promovojnë vlera të huaja kulturore nuk duhet të transmetohen. Kanalet televizive afgane shfaqin kryesisht drama të huaja me personazhe kryesore gra.
Një anëtar i një organizate që përfaqëson gazetarët në Afganistan, Hujjatullah Mujaddedi, tha se njoftimi i kufizimeve të reja ishte i papritur.
Ai i tha BBC-së se disa nga rregullat nuk ishin praktike dhe se nëse zbatohen, transmetuesit mund të detyrohen të mbyllen.
Vendimi i mëhershëm i talebanëve për të urdhëruar vajzat dhe vajzat e reja që të qëndrojnë në shtëpi nga shkolla, e bëri Afganistanin të vetmin vend në botë që ndaloi gjysmën e popullsisë së tij të shkollohej.
Kryebashkiaku i kryeqytetit, Kabul, u tha gjithashtu punonjësve gra të komunës që të qëndrojnë në shtëpi nëse nuk mund të plotësohen punët e tyre nga një burrë.
Talibanët pretendojnë se kufizimet e tyre për gratë që punojnë dhe vajzat që studiojnë janë “të përkohshme” dhe janë vetëm në fuqi për të siguruar që të gjitha vendet e punës dhe mjediset mësimore të jenë “të sigurta” për to.
