Një kampione, e lindur me një defekt në shtyllën kurrizore, ka ngritur një padi në Londër kundër mjekut të nënës së saj, duke pretenduar se ai nuk arriti të theksonte siç duhet rëndësinë e suplementeve në shtatzëni, duke rezultuar në paaftësi të saj.
Evie Toombes, 20 vjeç, nga Skegness në Lincolnshire ka ngritur akuza për ‘konceptim të gabuar’ kundër Dr. Philip Mitchell. Ajo pretendon se Mitchell nuk e këshilloi nënën e saj, Caroline, të merrte suplemente të acidit folik para dhe gjatë shtatzënisë, duke bërë që ajo të lindte me paaftësi fizike.
Toombes po kërkon miliona stërlina dëmshpërblim për të mbuluar koston e jetesës me paaftësinë e saj. Avokati i saj i tha gjyqtares Rosalind Coe QC se Toombes ka shumë të ngjarë të ketë nevojë për një karrige me rrota teksa rritet.
Dr. Mitchell i ka mohuar akuzat dhe ka këmbëngulur se i ka dhënë Caroline Toombes këshilla mjekësore ‘të arsyeshme’ dhe të përshtatshme në lidhje me suplementet e acidit folik.
Evie Toombes u diagnostikua me lipomielomeningocele (LMM), një formë e spina bifida, në nëntor 2001. Ajo punon në Universitetin e Nottingham-it ku u jep mësim studentëve të infermierisë dhe konkurron në sportet e kuajve si në Mbretërinë e Bashkuar dhe ndërkombëtarisht. sipas faqes së saj të internetit.
