Katër persona kanë humbur jetën dhe nëntë persona kanë mbetur të plagosur pasi stuhitë e forta kanë përfshirë sot Turqinë.
Sikurse raporton Daily Sabah, dy gra humbën jetën në rrethet Esenyurt dhe Sultangazi të Stambollit, ndërsa një punëtor ndërtimi vdiq pasi një mur u shemb e shtypi atë në provincën veriore të Zonguldak.
Ndërkohë mijëra banesa janë përmbytur në disa provinca të Izmirit, Kocaelit dhe Bursës. Agjencia turke e motit lëshoi një paralajmërim për stuhi të nivelit portokalli për 17 provinca, i dyti më i lartë nga katër nivelet e rrezikut dhe një alarm të verdhë, niveli i tretë më i lartë i rrezikut, për 35 provinca.
Sipas Shërbimit Meteorologjik Shtetëror Turk (TSMS), më shumë shira të rrëmbyeshëm dhe stuhi janë të mundshme në rajonet Marmara, Egje, Mesdheun Perëndimor dhe Detin e Zi perëndimor dhe në veriperëndim të Anadollit qendror.
