Nuk mund të thuhet më ‘Krishtlindje’, në vend që të thuhet ‘zonja dhe zotërinj’ do thuhet ‘të dashur kolegë’, e po kështu parapëlqehet të shmangen shprehjet si ‘zjarri është shpikja më e madhe e njeriut’ por është e drejtë të thuhet ‘Zjarri është shpikja më e madhe e njerëzimit’.
Në vend të emrave të krishterë si Maria dhe Giovanni është më mirë të përdoren emrat Malika dhe Giulio. Këto janë disa nga udhëzime të reja të paraqitura në një dokument të Komisionit Evropian, të cilin ‘Il Giornale’ e ka marrë ekskluzivisht.
Dokumenti quhet #UnionOfEquality dhe përfshin udhëzimet më të fundit brenda BE-së. Dokumenti ‘Udhëzimet e Komisionit Evropian për Komunikim Gjithëpërfshirës’, tregon kriteret që duhen miratuar për punonjësit e Komisionit në komunikimin e jashtëm dhe të brendshëm.
Në premisën e dokumentit, Komisionerja për Barazinë, Helena Dalli, shpjegon se ‘ne duhet të ofrojmë gjithmonë një komunikim gjithëpërfshirës, duke siguruar kështu që të gjithë të vlerësohen dhe të njihen në të gjithë materialin tonë pavarësisht gjinisë, racës apo origjinës etnike, fesë apo besimit, paaftësisë, moshës ose orientimit seksual’.
Dokumenti i referohet fushave mjaft aktuale të lidhura me temat gjinore, ‘Lgbtiq’, ‘racore dhe etnike’ ose ‘kulturat, mënyrat e jetesës dhe besimet’. Prandaj do të ndalohet përdorimi i emrave gjinorë si ‘punëtor apo polic’, do të ndalohet përdorimi i ‘zonja dhe zotërinj’ për t’iu drejtuar publikut, por është më mirë të fillohet me shprehjen ‘të dashur kolegë’.
“Kujdes që të mos përmendni gjithmonë të njëjtin seks fillimisht sipas radhës së fjalëve, ose t’u drejtoheni burrave dhe grave ndryshe (për shembull, burrit me mbiemër, gruas me emër); dhe përsëri ‘kur zgjidhni imazhe për të shoqëruar komunikimin tuaj, sigurohuni që gratë dhe vajzat të mos përfaqësohen në shtëpi ose në role pasive, ndërsa burrat janë aktivë dhe aventurierë.”
Jo vetëm kaq, dokumenti sekret i Komisionit Evropian duket se ka vullnetin për të ‘eliminuar’ krishtërimin dhe fenë e krishterë në përgjithësi.
Në fakt nuk do të mund të thuhet ‘periudha e Krishtlindjeve mund të jetë stresuese’, por ‘festat mund të jenë stresuese’. Kjo sepse jo të gjithë janë të krishterë dhe për këtë arsye jo të gjithë i festojnë festat e Krishtlindjeve. Dhe, përveç kësaj, rekomandohet gjithashtu të shmanget përdorimin e emrave të krishterë si Maria dhe Giovanni, në vend të të cilëve mund të përdoren emrat Malika dhe Giulio.
Përgatiti për Hashtag.al, Klodian Manjani
