Jemi në majë të një revolucioni në nanoteknologji.
Studiuesit krijuan një mënyrë të re për të lëvizur barnat e kimioterapisë në vendin e qelizave të kancerit me mikrobot, sipas një studimi të fundit të botuar në revistën ACS Nano.
Kjo mund të përmirësojë ndjeshëm trajtimin e kancerit sepse mundëson injektimin e drejtpërdrejtë të kimioterapisë në qelizat kancerogjene.
Sot, shumica e pacientëve të regjistruar në trajtimin e kimioterapisë marrin ilaçe që vrasin kancerin ose nëpërmjet gojës ose me injeksion ne vena.
Por të dyja metodat vijnë me efekte anësore të padëshirueshme. Metoda e re mund t’i zvogëlojë këto. Krijesa të tilla të vogla udhëhiqen drejt qëllimit të tyre (në këtë rast, qelizat e kancerit) nëpërmjet magneteve dhe çlirojnë ngarkesën e barit sapo të hyjnë në mjedisin acidik që rrethon menjëherë tumorin.
Të përbërë nga hidrogel të printuar 3D në formën e kafshëve të ndryshme (duke përfshirë një flutur, gaforre dhe peshk), krijesat e vogla robotike kanë boshllëqe në brendësi ku inxhinierët mund të mbushin grimcat.
