Dhjetëra mijëra protestues marshuan nëpër disa qytete të Evropës veriperëndimore të shtunën për të demonstruar kundër kufizimeve të koronavirusit të vendosura në mes të një rritjeje të infeksioneve.
Austria muajin e kaluar u bë vendi i parë në Evropën Perëndimore që rivendosi karantinën, që do zgjasë 20 ditë ndërsa qeveria njoftoi se do i bënte të detyrueshme vaksinimet nga shkurti.
Më shumë se 40 mijë demonstruesit në Vjenë mbanin pankarta që lexonin: ‘Unë vendos vetë’, ‘Bëjeni Austrinë të madhe përsëri’ dhe ‘Zgjedhje të reja’ – një shenjë për trazirat politike që kanë ndërrimin e dy kancelarëve brenda dy muajve.
Rreth 1,200 oficerë policie u vendosën për të mbajtur nën kontroll marshimin në bulevardin qendror të Vjenës si dhe një kundërprotestë prej 1,500 personash, të lejuara të dyja sipas kushteve të bllokimit të Austrisë.
Në qytetin qendror holandez të Utrecht, disa mijëra demonstruan kundër kufizimeve që filluan fundjavën e kaluar dolën në rrugë edhe këtë javë.
Protestuesit mbanin pankarta ku shkruhej ‘Liri Mjekësore Tani’, teksa pranë qëndronte një numër i madh policësh.
Ishte demonstrata e parë e madhe në Holandë kundër masave të ashpra, të cilat përfshijnë mbylljen e bareve, restoranteve dhe shumicës së dyqaneve gjatë natës për të frenuar një valë rastesh Covid-19.
Dy javë më parë, pati protesta të dhunshme pasi qeveria holandeze njoftoi planet për të ndaluar shumicën e njerëzve të pavaksinuar nga baret, restorantet dhe vendet e tjera publike.
Në kryeqytetin financiar gjerman, Frankfurt, policia shpërndau një demonstratë të disa qindra njerëzve për mosmbajtjen e maskave ose mosmbajtjen e distancës sociale, duke përdorur shkopinj dhe spërkatës me piper pasi ata u sulmuan nga një grup protestuesish.
Në Berlin, ku qeveria e re do marrë detyrën brenda disa ditësh, grupe të vogla u mblodhën për të protestuar pasi një demonstratë e madhe u ndalua.
