Një tufë dokumentesh të sapodeklasifikuara ka zbuluar se si makineria e luftës e Ushtrisë së Kuqe e ktheu valën mbi forcat naziste të Adolf Hitlerit.
Të premten, Ministria ruse e Mbrojtjes publikoi një arkiv të ri në faqen e saj të internetit, të titulluar ‘Kthesa e madhe në Moskë’ kushtuar ‘veprave të pavdekshme të mbrojtësve të kryeqytetit’. Publikimi shënon 80-vjetorin e Betejës së Moskës, kur, në dimrin e vitit 1941, Ushtria Sovjetike zmbrapsi sulmin e Rajhut të Tretë, duke i dhënë fund shpresave të Boshtit për një fitore të shpejtë mbi BRSS.
Krahas dokumenteve, ministria shkroi se ‘fitorja e forcave sovjetike në Betejën e Moskës shkatërroi mitin se Gjermania fashiste ishte e pathyeshme, forcoi koalicionin anti-Hitler dhe detyroi Turqinë dhe Japoninë të përmbaheshin nga hyrja në luftë. Në Moskë, ushtria e Hitlerit humbi më shumë se 500,000 ushtarë dhe oficerë; rreth 1300 tanke; 2500 pjesë artilerie; dhe mbi 15,000 automjete dhe instrumente të tjera të luftës.
Forcat naziste i ishin afruar Moskës për muaj të tërë, por në fillim të dhjetorit, mbrojtja sovjetike i kishte bllokuar dhjetëra kilometra larg qytetit. Ishte dimri më i ftohtë evropian i shekullit. Duke përdorur forcat e sjella nga Siberia dhe Lindja e Largët Ruse, gjenerali sovjetik Georgy Zhukov nisi një kundërofensivë duke filluar nga 5 dhjetori, si rezultat i së cilës gjermanët u detyruan të tërhiqeshin qindra kilometra larg kryeqytetit.
Megjithëse fronti i Moskës nuk u sigurua plotësisht deri në vitin 1943, forcat e Hitlerit nuk arritën kurrë të ishn afër kapjes së kryeqytetit.
Arkivi përfshin hartën operative të Shtabit të Përgjithshëm të Ushtrisë së Kuqe, e publikuar për herë të parë, me një plan për kundërsulm. Ai përmban gjithashtu revista nga ushtritë e vendosura në front dhe dokumente që përshkruajnë projektet inxhinierike për mbrojtjen për të parandaluar një përparim gjerman nga veriu.
Ministria vuri në dukje se publikimi i dokumenteve kishte për qëllim ‘të ruante dhe mbronte të vërtetën historike dhe për të kundërshtuar falsifikimin e historisë’.
