Dhjetëra mijëra punëtorë janë derdhur në rrugët spanjolle javët e fundit, duke paralajmëruar se të tjera protesta masive mund të vijnë ndërsa vendi përpiqet të rikuperohet nga një nga krizat më të këqija së fundmi.
“Gjatë bllokimit, ne u trajtuam si heronj, duke punuar çdo ditë për të vazhduar prodhimin,” tha Veronica Molleda, një fermere qumështi që doli në rrugë në qytetin verior spanjoll të Oviedos për të protestuar ndaj kushteve të punës në sektorin bujqësor. .
“Por tani është sikur jemi harruar plotësisht. Çmimet e energjisë elektrike, gazit, ushqimit të kafshëve, gjithçka janë rritur dhe ne nuk po marrim më shumë për atë që prodhojmë. Jemi në buzë të një shkëmbi dhe nëse gjërat nuk ndryshojnë, askush nuk do të mund të shpëtojë.” – shtoi ajo.
Në industri, pati një grevë nëntëditore të punëtorëve të metaleve në qytetin port jugperëndimor të Cadiz-it, e shënuar nga përleshje të dhunshme me policinë, një grevë e përgjithshme në qytetin Galician të La Marina për konfliktet e vazhdueshme me kompanitë Alcoa dhe Vestas si dhe një seri protestash nga punëtorët në sektorin e dëmtuar të automobilave.
Fermerët e revoltuar hodhën prodhimet e tyre para Ministrisë së Bujqësisë për çmimet, parukierët kryen protesta në të gjithë vendin në protesta ndaj taksave, ndërsa stafi i pastrimit, bankierët dhe një gamë e gjerë punonjësish të sektorit publik, përfshirë policinë dhe punonjësit e kujdesit shëndetësor, demonstruan zemërimin e tyre në rrugë mbi kushtet e tyre të punës ose reformat në pritje.
