Ambasada e SHBA-ve në Tiranë ka publikuar një njoftim lidhur me Kuvendin që zhvillohet ditën e shtunë nga Sali Berisha.
Ambasada thotë se tubimi mund të zhvillohet në vende të tjera dhe nuk dihet madhësia apo kohëzgjatja.
Ajo këshillon qytetarët amerikanë që të shmangin çdo tubim të madh në qytet.
“Një tubim politik është paralajmëruar të zhvillohet në orën 10:00 të datës 11 dhjetor në stadiumin Air Albania në Tiranë. Ky tubim mund të zhvendoset në vende të tjera në Tiranë. Madhësia dhe kohëzgjatja e saktë e mbledhjes së pritshme nuk dihet.
Qytetarët amerikanë këshillohen të shmangin çdo tubim të madh në qytet. Ndërsa shumë ngjarje të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit”-njofton Ambasada.
Më tej Ambasada udhëzon qytetarët e saj amerikanë për veprimet që duhet të ndërmarrin:
“Shmangni tubimet e mëdha dhe çdo zonë ku demonstratat janë të pashmangshme ose në vazhdim.
Jini të vetëdijshëm për rrethinën tuaj.
Monitoroni mediat lokale për përditësime”.
