Bashkëthemeluesi i WikiLeaks, Julian Assange ka pësuar një goditje në tru për shkak të stresit ekstrem në betejën ligjore kundër ekstradimit në SHBA nga burgu i sigurisë maksimale Belmarsh në Mbretërinë e Bashkuar, sipas të fejuarës së tij Stella Moris.
Assange u diagnostikua me një atak ishemik kalimtar pas një prej paraqitjeve të tij të apelit në Gjykatën e Lartë përmes lidhjes video më 27 tetor, zbuloi nëna e dy fëmijëve të tij për Daily Mail të dielën.
E quajtur goditje e vogël, TIA shpesh shihet si një shenjë paralajmëruese e një goditjeje të mundshme të madhe në të ardhmen dhe kërkon kujdes mjekësor. Assange që atëherë ka bërë një skaner dhe tani thuhet se po merr ilaçe kundër goditjes në tru.
“Juliani po lufton dhe kam frikë se kjo goditje e vogël mund të jetë pararendës i një sulmi më të madh. Kjo e shton frikën tonë për aftësinë e tij për të mbijetuar sa më gjatë të vazhdojë kjo betejë e gjatë ligjore,” tha Moris.
Gjykata e Lartë e Mbretërisë së Bashkuar miratoi të premten kërkesën e SHBA-së për ekstradimin e Assange, një kërkesë që e kishte bllokuar më parë për shkak të shëndetit mendor në rënie të Assange. N
dërsa vendimi nuk është përfundimtar dhe mund të apelohet nga ekipi ligjor i Assange, ai e afron ish-shefin e ËikiLeaks një hap më afër një gjyqi në tokën amerikane, ku ai përballet me 175 vjet të mundshëm pas hekurave nëse dënohet për spiunazh.
