Çim Peka ka publikuar disa fatura që sipas tij janë paguar nga “oligarkët” në favor të kunatit të Kreut të PD-së, Lulzim Basha.
Madje në postimin në “Çim Peka Live”, drejtuesi i mediave Syri.net dhe Syri Tv thotë se familjarët e Bashës justifikuan ndërprerjen e protestave pasi kreu i PD-së “nuk do bënte 7-14 vjet burg për pastrim parash që të vinin demokratët në pushtet.
“Lul, këto janë disa nga faturat që “oligarkët” i paguajnë kunatit tënd. Asnjë nga gazetarët e Syrit nuk të ka marrë të të ankohet për bravat e Syrit, por familjarët tuaj më janë justifikuar kur ndërpreve protestat se: “Nuk do bëjë Luli 7-14 vjet burg për pastrim parash, që të vijnë demokratet në pushtet”. Berisha edhe mund të të falë, por Syri jo. Ndërkohë që gazetarët e Syrit merreshin në qeli nga policia që ti të vije në pushtet, kunati paguhej nga oligarkët dhe Rama. Vazhdojmë…”-shkruan Çim Peka drejtues i Syri TV.
Në postimin e Pekës ka komentuar edhe vetë Sali Berisha i cili i ka shkruar “Të lumtë”.
Ditën e sotme ndodhi një përplasje në PD mes mbështetësve të Sali Berishës dhe deputetëve të Lulzim Bashës dhe vetë atij me mbështetësit e ish-kryeministrit që tentuan të merrnin të gjithë selinë blu./Hashtag.al
