Kuvendi Kombëtar i PD-së i thirrur nga Lulzim Basha ka propozuar krijimin e një strukture organizativetë emërtuar si Aleanca Qytetare për Demokracinë.
Nënkryetari i Partisë Demokratike, Enkelejd Alibeaj, tha se qëllimi i saj është për një bashkëpunim më të ngushtë me shoqërinë. Sipas Alibeajt, anëtarët nuk do kenë nevojë që të jenë anëtarë të PD-së, ndërsa ata do kenë detyrë që të japin mendime kritike lidhur me nismat e ndërmarra nga PD.
“Propozohet që në statutin e PD të shtohen dy dispozita, që i dedikohen krijimit të një strukture organizative, e emërtuar si Aleanca Qytetare për Demokracinë.
- Partia ka edhe Aleancën Qytetare për Demokracinë.
- Kjo organizatë partnere përbëhet nga intelektualë me reputacion profesionalë, që shfaqin interes dhe bashkëndajnë vlera dhe parimet e PD. Anëtarësimi në parti nuk është kusht.
- Kjo aleancë synon të analizojë e të japë mendim kritikë me sugjerime konkrete ndaj politikave, qasjeve e nismave zyrtare të PD, duke e ndihmuar partinë të forcojë dialogun dhe lidhjen me shoqërinë.
- PD garanton përfaqësimin e Aleancës Qytetare për Demokracinë me të paktën 10% të të zgjedhurve me pozicione drejtuese në parti.”- deklaroi Alibeaj.
