Tajvani i vetëqeverisur nuk është një peng që mund të përdoret për të luajtur shah politik, por një ‘endacak’ që përfundimisht do të ribashkohet me kontinentin, ka thënë ministri i Jashtëm kinez, duke akuzuar SHBA-në për përdorimin e kombit ishull për të ‘kontrolluar’ Pekinin.
Tensionet mbi çështjen e Tajvanit kanë qenë në rritje me Presidentin e SHBA-së Biden që vazhdon të forcojë lidhjet me ishullin në përputhje me një politikë të gjatë të SHBA-së për furnizimin me armë të Tajvanit me armë që kapin vlerën 32 miliardë dollarë që prej vitit 2009. Anijet luftarake amerikane kalojnë në mënyrë rutinore ngushticën e Tajvanit, duke zemëruar Pekinin, i cili i konsideron ato si një kërcënim për stabilitetin rajonal.
Në fillim të këtij muaji, Pentagoni ngriti tensionin edhe më tej duke sugjeruar se Pekini ‘ka gjasa’ të përgatisë një pushtim për të marrë ishullin me forcë, por nuk ofroi asnjë provë për plane të tilla.
Duke folur në një konferencë të politikës së jashtme në Pekin të hënën, këshilltari shtetëror dhe ministri i Jashtëm i Kinës, Wang Yi, ka akuzuar Uashingtonin se po përpiqet të minojë status quo-në në ngushticën e Tajvanit duke e trajtuar vendin ishull, të cilin Kina e sheh si pjesë të patjetërsueshme të territorit të saj, si ‘gur shahu’.
Wang argumentoi se ‘thelbësia e problemit’ qëndron në faktin se Taipei ‘mbështetet te SHBA për pavarësinë e tij’, duke shtuar se herët a vonë ishulli do të ‘bashkohet’ me pjesën tjetër të Kinës.
“Tajvani është një endacak që përfundimisht do të shkojë në shtëpi, jo një peng që duhet të përdoret nga të tjerët.” – tha ai.
Duke i bërë jehonë retorikës së presidentit kinez Xi Jinping, Ëang tha se ribashkimi i Tajvanit me Kinën është çështje kohe.
“Kina duhet dhe do të ribashkohet.” – theksoi ai.
