Të shtëna me armë zjarri në Lezhë.
Ngjarja ka ndodhur rreth orës 21:00 të mbrëmjes në dalje të qytetit në një rrugë dytësore.
Dyshohet se një person ka qëlluar me armë zjarri në ajër.
Policia ka mbërritur në vendin e ngjarjes e po punon për identifikimin e kapjen e autorit.
Njoftimi
“Lezhë/Informacion paraprak. Rreth orës 21:05, në një rrugë dytësore, në dalje të qytetit Lezhë, një shtetas ende i paidentifikuar dyshohet se ka qëlluar me armë zjarri në ajër. Shërbimet e Policisë dhe grupi hetimor mënjëherë kanë shkuar në vendngjarje dhe po punojnë për fiksimin e çdo provë që mund të çoje në identifikimin dhe kapjen e autorit të dyshuar.”
