Administrata Amerikane e Ushqimit dhe Barnave (FDA) ka miratuar ilaçin e parë parandalues të injektueshëm për HIV-in, duke ofruar një alternativë ndaj tabletave parandaluese para ekspozimit.
Ilaçi i ri, Apretude, u jepet pacientëve çdo dy muaj me injeksion. Në të kundërt, pilulat tashmë në treg mund të parandalojnë rrezikun e kontraktimit të HIV me 99% nëse merren çdo ditë.
“Miratimi i sotëm shton një mjet të rëndësishëm në përpjekjen për t’i dhënë fund epidemisë së HIV-it duke ofruar mundësinë e parë për të parandaluar HIV-in që nuk përfshin marrjen e një pilule të përditshme,” Dr. Debra Birnkrant, drejtore e divizionit antiviral në Qendrën për Vlerësimin e Barnave në FDA.
Zyrtarët shëndetësorë kanë paralajmëruar se pilulat e përditshme mund të jenë një regjim që është i vështirë për disa, duke i bërë injeksionet një mundësi më të zbatueshme për popullatat në rrezik.
Miratimi vjen pasi dy prova të FDA-së zbuluan se Apretude ishte më efektive në zvogëlimin e rrezikut ndaj HIV-it sesa pilulat e përditshme për 69% të ‘burrave cisgjinorë dhe grave transgjinore që kryejnë marrëdhënie seksuale me burra’ dhe 90% të ‘grave cisgjinore’.
FDA-ja përfundimisht zbuloi se injeksioni ishte 66% më efektiv në parandalimin e infeksioneve HIV sesa një dozë ditore e Truvada, një ilaç kryesor për parandalimin e HIV. Apretude, e cila është një formë e barit kabotegravir të GlaxoSmithKline, është miratuar për të rriturit dhe adoleshentët në rrezik në SHBA.
Fillimisht jepet në dy doza, me një interval prej një muaji dhe më pas injeksionet bëhen një herë në dy muaj. Ilaçi duhet të përdoret vetëm nga pacientët me teste të konfirmuara HIV-negative.
