Sipas agjencisë amerikane të hapësirës, një asteroid i zbuluar për herë të parë në vitin 2014, do t’i afrohet Tokës në një distancë prej rreth 7,400,000 kilometrash më 6 janar.
NASA i konsideron objektet më të mëdha se 150 metra dhe që i afrohen Tokës në një distancë prej 7.5 milionë kilometrash si “potencialisht të rrezikshëm”. Por asteroidi 2014 YE15 i lartpërmendur është 7 metra i gjerë ose sa madhësia e një autobusi siç thotë agjencia dhe nuk konsiderohet si një kërcënim i madh, shkruan RT.
Fundi i vitit do të shënohet gjithashtu nga një rrezik në dukje më i madh që kalon nga hapësira – më 29 dhjetor, një asteroid me gjerësi afërsisht 149 metra do t’i afrohet Tokës, brenda 3 540 000 kilometrave.
Asteroidët shfaqen në afërsi relative me planetin çdo dy ditë dhe NASA monitoron lëvizjen e tyre dhe përditëson rregullisht një listë të pesë afrimeve të asteroideve të ardhshme.
Megjithatë, kjo nuk do të thotë se ato mund të injorohen. Edhe ato të voglat mund të shkaktojnë telashe. Në vitin 2013, një asteroid 20 metra i gjerë shpërtheu mbi Chelyabinsk, Rusi, duke lëshuar të njëjtën energji si të 26-33 shpërthime të bombave atomike. Disa ndërtesa u dëmtuan dhe rreth 1 mijë e 500 njerëz u trajtuan për lëndime të shkaktuara nga efektet anësore të shpërthimit.
