Ish-kryeministri Sali Berisha ka njoftuar mbajtjen e një proteste kombëtare më datë 8 janar, që do të organizohet para selisë së Partisë Demokratike.
Protesta njoftohet përmes një posteri të shpërndarë në rrjetet sociale nga Berisha dhe anëtarët e Komisionit të Rithemelimit, ku shkruhet: “Jo bunker i pengut, por shtëpi e demokratëve”.
Në poster theksohet se tubimi do të zhvillohet në orën 12:00.
Ky njoftim për protestën vjen pas një deklarate nga Komisioni i Rithemelimit, që e akuzonte kryetarin Lulzim Basha se e ka shndërruar shtëpinë e demokratëve në një bunker personal.
