Policia e Shtetit ka ndërhyrë në protestën që po zhvillohet në selinë blu me gazlotsjellës dhe autobote me ujë duke shpërndarë protestuesit.
Para ndërhyrjes publikoi një njoftim ku thuhej se po i përgjigjej një thirrrjeje për ndihmë nga selia blu.
“Në bazë të një kërkese të bërë Policisë së Shtetit, nga një grup deputetësh të Partisë Demokratike, të cilët kanë kërkuar ndihmën e Policisë, pasi i rrezikohej jeta nga protestuesit, sqarojmë se:
Policia e Shtetit është gati për të ndërhyrë në ndihmë të deputetëve që kanë kërkuar ndihmë dhe u bën thirrje protestuesve që të distancohen menjëherë nga aktet e shkatërrimit të pronës dhe aktet e dhunës.
Policia e Shtetit u bën thirrje organizatorëve të protestës që të përmbajnë protestuesit dhe të shmangin çdo rast dhune, sepse do përballen me ligjin.”– njoftoi policia.
