Gjenerali Mark Milley, komandant i Shefave të Shtabit të Përbashkët
Irani ka vendosur sanksione ndaj 51 amerikanëve, mes të cilëve disa nga zyrtarët më të lartë ushtarakë të SHBA-ve, të cilët i fajëson për vrasjen e Qassem Soleimani-t dy vjet më parë.
Sanksionet vijnë në mes të tensioneve bërthamore mes Teheranit dhe Perëndimit.
Siç shkruan RT, sanksionet u njoftuan nga Ministria e Jashtme iraniane të shtunën, më pak se një javë pas përvjetorit të dytë të vrasjes së gjeneral Soleimani-t, komandantit të njohur të Gardës Revolucionare Islamike të vrarë nga SHBA në një sulm me dron në Bagdad, Irak.
“Individët në listën e sanksioneve morën pjesë në vendimmarrje, planifikimin, organizimin, financimin dhe mbështetjen, si dhe në udhëheqjen ose zbatimin e aktit terrorist kundër Soleimani dhe shokëve të tij.”- tha ministria.
I pari në listën e zyrtarëve ushtarakë të sanksionuar është gjenerali Mark Milley, komandant i Shefave të Shtabit të Përbashkët. Komandanti i Komandës Qendrore Kenneth McKenzie, ish-këshilltari i Sigurisë Kombëtare Robert O’Brien dhe Robert Greenëay, një zyrtar i Këshillit të Sigurisë Kombëtare përgjegjës për politikën e sanksioneve të administratës Trump ndaj Iranit.
Irani u zotua se do t’i përgjigjej me shpejtësi dhe ashpër vrasjes së Soleimanit dhe, brenda disa ditësh në fakt lëshoi disa raketash balistike ndaj trupave amerikane të vendosura në dy bazat irakiane. Megjithëse asnjë pjesëtar i shërbimit amerikan nuk u vra, më shumë se 100 prej tyre u trajtuan në spital për lëndime traumatike të trurit të marra gjatë sulmit.
#Iran Foreign Ministry updates its Counter-terrorism Designations by adding more American individuals to its sanctions list, over their “participation in decision-making, organizing, financing, & carrying out the terrorist act against General Soleimani & his companions”. pic.twitter.com/OLVpX8jWTk
— Abas Aslani (@AbasAslani) January 8, 2022
