CPharm International (ECI), një firmë gjermane kërkimore dhe zhvillimi, ka thënë se po planifikon një investim shumë milionë dollarësh në Afganistanin e kontrolluar nga talebanët, me qëllim të prodhimit të kanabisit për qëllime mjekësore.
Pas një rasti fatkeq të identitetit të gabuar në fund të vitit 2021, agjencia mediatike Vice gjurmoi një kompani gjermane, CPharm International (ECI), e cila ka arritur një marrëveshje me talebanët.
Vitin e kaluar, një postim në Twitter nga Ministria e Brendshme afgane pretendonte se një firmë e quajtur “Cpharm” ishte takuar me zyrtarë talebanë dhe do të investonte 450 milionë dollarë në Afganistan për të ngritur një plantacion ‘përpunimi të hashashit’. Media identifikoi gabimisht një firmë të vogël konsulente mjekësore australiane me të njëjtin emër po ajo mohoi me forcë lidhjen me talebanët.
Werner Zimmermann, 56 vjeç, pronari dhe drejtori menaxhues i ECI, i tha Vice të premten se nuk ishte i lumtur që lajmet për marrëveshjen ishin bërë publike dhe pretendoi se shkalla e marrëveshjes ishte keqinterpretuar.
Kompania e tij operon në Lesoto, Marok, Kirgistan, Maqedoninë e Veriut dhe Qipro, me Kazakistanin dhe Afganistanin që së shpejti do të shtohen në listë.
Firma e Zimmermann ndërton fabrika të përpunimit të kanabisit dhe konsultohet për çështje ligjore, të tilla si realizueshmëria e eksportimit të kanabisit në vende të tjera. Projekti afgan do të ndjekë ndërtimin e një fabrike prej 500,000 eurosh në Kazakistan.
ECI planifikon të prodhojë kanabis mjekësor në Afganistan si për tregjet vendase ashtu edhe për ato ndërkombëtare, por nëse vende si Gjermania legalizojnë drogën, ata mund të fillojnë të rritin bimën për përdorim rekreativ, tha biznesmeni për Vice.
