Policia e Moskës ka hapur një hetim ndaj një modeleje 24-vjeçare në Instagram, e cila postoi foto të saj duke pozuar e zhveshur para një kishe në kryeqytetin rus, mes një morie rastesh të ngjashme që përfshijnë influencuerat e rrjeteve sociale.
Polina Morugina ngarkoi fotot provokuese në mediat sociale gjatë verës. Në to, ajo qëndron e zhveshur dhe pozon në mënyrë provokuese, e veshur me taka të larta dhe e zbukuruar me tatuazhe nga koka te këmbët, përballë Kishës së Virgjëreshës së Shenjtë në rajonin Fili të kryeqytetit rus.
Blogerja, e cila gjithashtu ka tre piercing në gjoks dhe ka luajtur në një numër klipesh në internet, fshiu llogarinë e saj në Instagram, ku fotot ishin shfaqur së bashku me foto të tjera nudo, pasi autoritetet njoftuan këtë javë se po hetonin atë.
Ajo mund të përballet me një gjobë prej 500,000 rublash (afërsisht 7,000 dollarë) ose deri në një vit burg për ‘shkelje të së drejtës për lirinë e ndërgjegjes dhe fesë’.
Në nëntor, Alexander Malkevich, kreu i një komisioni qeveritar rus për mediat, komentoi një tendencë në rritje të blogerëve që bëjnë foto lakuriq përpara ndërtesave fetare në të gjithë vendin. Ai tha se ata duhet të dënohen jo vetëm për shkak të shkeljes së të drejtës për liri fetare, por edhe për dëmtim të moralit publik.
Malkevich shtoi se ai mendonte se blogerët e tillë duhet të gjobiten me shuma të mëdha, por se ata nuk duhet të kërcënohen me burg.
“Ata duhet të marrin një gjobë kaq të madhe sa të marrë fund kjo lloj sjelljeje dhe ata ta ndjejnë peshën e veprimeve të tyre.” – tha ai.
Në tetor, policia në Shën Petersburg njoftoi se po hetonte modelen e Instagramit Ira Volkova për postimin e fotove lakuriq të bëra përpara Katedrales historike të Shën Isakut të qytetit.
