Danimarka së shpejti do të ofrojë një dozë të katërt të vaksinës Covid-19 për ata që konsiderohen në rrezik të lartë nga virusi, duke u bërë e para në Evropë që e bën këtë pavarësisht paralajmërimit të një rregullatori se nuk ka të dhëna të mjaftueshme për të ditur nëse kjo gjë do të ndihmojë.
“Tani po hyjmë në një kapitull të ri, një vendim për t’u ofruar dozën e katërt qytetarëve më të cenueshëm.” – u tha gazetarëve të mërkurën ministri i Shëndetësisë Magnus Heunicke, duke shtuar se ‘sa më i përhapur të jetë infeksioni në shoqëri, aq më i madh është rreziku’.
Doza shtesë do të jetë e disponueshme duke filluar nga fundi i kësaj jave për ata me kushte serioze paraekzistuese që morën një dozë fillestare vjeshtën e kaluar, vazhdoi zyrtari. Qeveria po shqyrton gjithashtu një dozë tjetër për qytetarët e moshuar dhe shtëpitë e të moshuarve, megjithëse ende nuk ka marrë një vendim.
Lëvizja vjen disa ditë përpara një rihapjeje të planifikuar për kinematë, lokalët, stadiumet dhe vendet e tjera publike, pas kufizimeve të vendosura fillimisht muajin e kaluar me shpresën për të frenuar përhapjen e variantit Omicron.
