Vikariati i Romës ka lëshuar një deklaratë që dënon një procesion funerali jashtë një kishe ku disa persona ishin mbledhur rreth një arkivol të mbuluar me ‘Svastika’ ndërsa bërtisnin ‘Të pranishëm’ dhe bënin përshëndetje fashiste me krahët e tyre të djathtë.
Faqja italiane e lajmeve Open publikoi foto dhe video të procesionit jashtë kishës së Shën Lucia në Romë, duke shkaktuar reagime të ashpër për praninë e simbolit nazist në një institucion fetar.
Në një deklaratë të lëshuar të martën, Kisha Katolike në Romë mohoi çdo njohuri për atë që ndodhi, duke pretenduar se famullitari dhe prifti që drejtuan funeralin nuk ishin në dijeni se çfarë ndodhi jashtë pas përfundimit të shërbimit.
“Ky shfrytëzim ideologjik dhe i dhunshëm, veçanërisht pas një akti adhurimi pranë një vendi të shenjtë, mbetet serioz, fyes dhe i papranueshëm për komunitetin kishtar të Romës dhe për të gjithë njerëzit me vullnet të mirë në qytetin tonë.” – tha Vikariati i Romës.
Vikariati deklaroi se famullia kishte konfirmuar se ngjarjet jashtë kishës ‘u zhvilluan pa asnjë autorizim as nga famullitari apo nga prifti kremtues’, të cilët nuk kishin qenë në dijeni për ngjarjet e planifikuara përpara se të ndodhnin, duke e quajtur flamurin nazist ‘një simbol i tmerrshëm i papajtueshëm me krishtërimin’.
