Deputetët e Partisë Demokratike, Edmond Spaho, dhe Dashnor Sula, janë përplasur me njëri tjetrin në emisionin “Log”, teksa po diskutonin mbi përjashtimet nga grupi parlamentar i PD-së dhe protestën e 8 janarit.
Sula deklaroi se nëse nuk do të ishin dyert e blinduara, protestuesit më 8 janar do të kishin mundur të hynin brenda në seli duke bërë kasaphanë.
Pjesë nga debati:
Dashnor Sula: Pas datës 8 janar i gjithë opinioni publik e di. Nga ai moment që të arrihet të përplasen vëllezër me vëllezër nuk ka bërë vaki kurrë të thërritet.
Edmond Spaho: Deri dje thonit policia e krimit…
Dashnor Sula: Shyqyr që ka qenë ajo derë se ti s’do flisje këtu sot. Do ishte kasaphanë aty brenda.
Edmond Spaho: Do vriteshin deputetë?
Dashnor Sula: Jo ti, po njerëzit e tuaj të karikuar do të vrisnin Lulzim Bashën
Edmond Spaho: Bashën e mbron garda.
Dashnor Sula: Para se të shkoje në foltore i merrje ti vendimet, për Kullurin e të tjerë
Edmond Spaho: Asnjë nuk kam përjashtuar. Flasim edhe për djegien e mandateve
Dashnor Sula: Të vish të sulmosh selinë me të gjitha mjetet e dhunshme.
