Foto ilustruese
Policia e Shkodrës ka vënë në pranga një 45-vjeçar, i cili rezulton i shpallur në kërkim ndërkombëtar për trafik droge.
Bëhet fjalë për shtetasin Domi alias Nikel Vuksani, 45 vjeç, banues në Shkodër. Ai është dënuar nga Gjykata e Apelit në Firence me 8 vite burg. Gjykata e Shkodrës e ka njohur dënimin që 45-vjeçari do e vuajë në burgun e Reçit, Malësi e Madhe.
NJOFTIMI I POLICISË
Vijon puna për kapjen e personave të shpallur në kërkim kombëtrar e ndërkombëtar dhe vënien e tyre para përgjegjësisë ligjore.
Vihet në pranga një shtetas i shpallur në kërkim për veprën penale “Trafikimi i narkotikeve, kryer në bashkëpunim ose më shumë se një herë”, “Organizimi dhe drejtimi i organizatave kriminale”
Specialistët për Hetimin e Narkotikëve në DVP Shkodër, në bashkëpunim me forcat e posaçme “Shqiponja”, pas një pune të mirorganizuar, në bazë të informacioneve të siguruara në rrugë operative, kanë bërë lokalizimin e vendndodhjes, kapjen dhe ndalimin e shtetasit në kërkim:
Domi alias Nikel Vuksani, 45 vjeç, banues në Shkodër:
Gjykata e Apelit Shkodër me Vendimin Nr.10, datë 21.01.2022, ka vendosur njohjen e vendimit penal të Gjykatës së Apelit Firence, e cila e ka dënuar me 8 vite burg që do i vuajë në IEVP Reç, Malësi e Madhe.
Materialet i kaluan Prokurorisë pranë Gjykatës së Shkallës së Parë Shkodër.
