Një vrasje me armë zjarri ka ndodhur në Lezhë.
Viktima është identifikuar si Lekë Lekgjonaj ndërsa ngjarja e rëndë ka ndodhur në fshatin Manati.
65-vjeçari është qëlluar në oborrin e shtëpisë ndërsa dyshohet se motivi i krimit është hakmarrja, pasi viktima dyshohet se kishte vrarë babain e autorit të dyshuar.
Autori i dyshuar është vetëdorëzuar në polici.
“Policia e Lezhës neutralizon dhe vë në pranga në kohë rekord, një 17-vjeçar që kreu vrasjen e 65-vjeçarit, para pak minutash, në fshatin Manati të Lezhës.
Sekuestrohet dhe arma e krimit.
Shërbimet e DVP Lezhë dhe të Komisariatit të Policisë Lezhë, menjëherë pas marrjes së njoftimit se në fshatin Manati kishte të shtëna me armë zjarri, kanë shkuar menjëherë në vendin e ngjarjes.
Falë reagimit profesional e të menjëhershëm është bërë i mundur neutralizimi dhe kapja e 17-vjecarit F. P.
17-vjeçari, rreth orës 12:00, në rrethana ende të paqarta dyshohet se vrau me armë zjarri shtetasin L. L., 65 vjeç, banues në Manati, dyshohet për motive hakmarrjeje.
Shërbimet e Policisë kanë sekuestruar dhe armën zjarrit pistoletë me të cilën dyshohet se 17-vjeçari kreu krimin.
Grupi hetimor ndodhet në vendngjarje dhe vijon punën për sqarimin e rrethanave të ngjarjes.”– thuhet në njoftimin paraprak të policisë.
