Kreu i Partisë Demokratike, Lulzim Basha, ka reaguar në lidhje me raportin e “Transparency International”, sipas të cilit Shqipëria ka pësuar rënie me një pikë për sa i përket korrupsionit.
“Ajo që kemi thënë gjatë gjithë kohës, madje edhe më të bindur që nga 25 prilli, tashmë është e qartë për të gjithë. Pa zgjedhje të lira dhe të ndershme, Shqipëria do të mbetet një nga vendet më të korruptuara në botë.
Zgjedhje të lira duhet të jetë qëllim i gjithë shqiptarëve që ardhmja e tyre të jetë më e mirë.”– shkruan Basha.
1/2 Ajo që kemi thënë gjatë gjithë kohës, madje edhe më të bindur që nga 25 prilli, tashmë është e qartë për të gjithë. Pa zgjedhje të lira dhe të ndershme, Shqipëria do të mbetet një nga vendet më të korruptuara në botë.https://t.co/51Hj6OMq9v
— Lulzim Basha (@lulzimbasha_al) January 26, 2022
Në raportin e TI, thuhet se Shqipëria është përkeqësuar me një pikë krahasuar me vitin e shkuar duke shënuar 35 pikë e duke zënë vendin e 110-të nga 180 gjithsej në raport.
Në ndarjen për Shqipërinë, raporti vëren se gazetarët janë përballur me padi ligjore e kërcënime. Po kështu në raport theksohet se ka shqetësime mbi dhunën e policisë gjatë protestave si dhe shkelje të lirisë së tubimit përgjatë pandemisë.
