Në zgjedhjet vendore që do të mbahen në 6 bashki më 6 Marsit, do të kenë të drejtë të votojnë kandidatin që iu pëlqen 654 mijë e 538 qytetarë.
Ministria e Brendshme pak më herët ublikuar listat e zgjedhësve të cilët mund të marrin pjesë në zgjedhjet e pjesshme lokale në 6 bashki të vendit, ku nuk ka një kryetar të zgjedhur.
Sipas njoftimit të ministrisë së Brendshme, nga të gjithë qytetarët me të drejtë vote, plot 10 mijë e 138 prej tyre do të votojnë për herë të parë.
Më 6 Mars për të ushtruar të drejtën e votës do jenë hapur 941 qendra votimi në këto bashki ku do zhvillohen zgjedhjet e pjesshme lokale.
NJOFTIMI I MINISTRISË SË BRENDSHME
Ministria e Brendshme ka publikuar listën përfundimtare të zgjedhësve për zgjedhjet e pjesshme vendore për kryetar bashkie për 6 njësi të qeverisjes vendore që do të mbahen në datën 6 mars 2022.
Njësitë vendore ku do të mbahen këto zgjedhje janë:
- Bashkia Shkodër, qarku Shkodër;
- Bashkia Dibër, qarku Dibër;
- Bashkia Durrës, qarku Durrës;
- Bashkia Vorë, qarku Tiranë;
- Bashkia Rrogozhinë, qarku Tiranë;
- Bashkia Lushnjë, qarku Fier.
Nga të dhënat e gjeneruara nga Drejtoria e Përgjithshme e Gjendjes Civile të drejtën e votës e kanë 654,538 shtetas shqiptarë me të drejtë vote.
10,134 zgjedhës votojnë për herë të parë.
135 shtetas nuk janë përfshirë në lista për shkak të dekriminalizimit.
941 është numri i qendrave të votimit.
Çdo qytetar është i lutur të verifikojë emrin e tij në listën e zgjedhësve ndërsa për çdo pretendim mund t’u drejtohet zyrave të Gjendjes Civile në bashki dhe njësi administrative.
Lista përfundimtare e zgjedhësve përmbyll kështu procesin e hartimit dhe shpalljes së Listës së Zgjedhësve. DGJC në çdo bashki, ashtu sikurse deri më tani, do të përmbushë në vijim çdo detyrim ligjor, që rrjedh nga Kodi Zgjedhor i Republikës së Shqipërisë.
Ftojmë qytetarët të aplikojnë apo rinovojnë ID kartat e skaduara, si një nga 2 dokumentet biometrike, që do të përdoret për identifikimin e votuesve në zgjedhjet e pjesshme të 6 marsit 2022 për pushtetin vendor.
Lista online e zgjedhësve, për zgjedhjet e pjesshme vendore për kryetar bashkie, për disa njësi vendore.
