Astronomët kanë zbuluar një vrimë të zezë ‘ndryshe nga çdo tjetër’ e vendosur në një grup yjor në Galaktikën Andromeda.
Objekti mendohet të jetë nga një lloj i tretë i rrallë i dukurive kozmike që mund të jetë ‘lidhja që mungon’ për të kuptuar evolucionin e vrimave të zeza.
Gjetjet, të publikuara së fundmi në Astrophysical Journal, tregojnë se objekti ka një masë 100,000 herë më të madhe se Dielli. Kjo e bën atë më të vogël se vrimat e zeza supermasive të vendosura në qendër të galaktikave, por më të mëdha se vrimat e zeza yjore të formuara kur yjet shpërthejnë.
Duke përdorur të dhëna vëzhgimi nga teleskopi Gemini North në Hawaii, studiuesit identifikuan vrimën e zezë të ndërmjetme (IMBH) në një grup yjor masiv (i quajtur B023-G078) që është më shumë se 6 milionë herë më i madh se masa e Diellit.
Autorët argumentojnë se grupi është një ‘bërthamë e zhveshur’, mbetja e një galaktike më të vogël që ra në një galaktikë më të madhe dhe yjet e saj të jashtme u rrëmbyen nga forcat gravitacionale.
