Një video është shfaqur në internet që tregon një nga avionët luftarakë më të përparuar amerikanë, F-35C Lightning II, duke u përplasur në kuvertën e një aeroplanmbajtëseje në Detin e Kinës Jugore.
Pamjet, së bashku me një foto që tregon rrënojat e avionit që notonte në det, u konfirmuan se ishin autentike nga Marina e SHBA-së në një deklaratë për CNN.
Avioni luftarak F-35C mund të shihet në video duke iu afruar kuvertës së ‘USS Carl Vinson’ nga larg. Një zhurmë e fortë dëgjohet dhe një shtëllungë tymi i bardhë fillon të shfaqet përpara se klipi të shkëputet.
Mbetjet e aeroplanit që po kalonte në ujërat e Detit të Kinës Jugore u kapën në një foto, e cila u zbulua gjithashtu në internet.
Duke folur për CNN, marina amerikane konfirmoi vërtetësinë e pamjeve.
“Anija ka vlerësuar se video dhe fotografia e mbuluar nga media sot janë marrë në bordin e ‘USS Carl Vinson’ gjatë përplasjes,” tha për median një zyrtar i marinës amerikane.
Zëdhënësi vuri në dukje se po zhvillohej një hetim mbi shkaqet e incidentit, së bashku me përpjekjet për të rikuperuar rrënojat, të cilat tani janë në fund të Detit të Kinës Jugore.
Ka pasur raportime në mediat amerikane se Uashingtoni po bën gara për të rimarrë avionin prej 100 milionë dollarësh, nga frika se ai do të merrej nga Pekini.
Megjithatë, zëdhënësi i Ministrisë së Jashtme të Kinës Zhao Lijian deklaroi të enjten se Pekini ‘nuk ka interes për avionët amerikanë’, ndërsa i kërkoi Uashingtonit ‘të bëjë gjëra që janë të favorshme për paqen dhe stabilitetin rajonal, në vend që të tregojë muskujt në rajon’.
Incidenti ndodhi të hënën gjatë një stërvitjeje ushtarake që përfshinte disa anije. Shtatë ushtaralë të marinës amerikane, përfshirë pilotin, i cili u rrëzua gjatë përplasjes, u plagosën. Tre marinarë u transportuan me avion për të marrë trajtim mjekësor në Filipine.
