Senatorja amerikane Wendy Rogers ka prezantuar një projektligj për të bërë një mjet ligjor kriptomonedhën Bitcoin në Arizona këtë javë.
Me projektligjin, SB 1341, Senatorja kërkon të ndryshojë listën e mjeteve ligjore të pranuar tani për tani për të përfshirë edhe Bitcoin.
Kjo do të lejonte përdorimin e tokenit dixhital për pagesën e tarifave publike, taksave, borxhit dhe qëllime të tjera.
Megjithatë, Kushtetuta e SHBA nuk i lejon shtetet individuale të krijojnë mjetet e tyre ligjore. Kjo lë pyetjen nëse projektligji mund të hyjë në fuqi si ligj.
Projektligji duhet të kalojë në senatin dhe Shtëpinë e Përfaqësuesve të shtetit të Arizonës dhe më pas të nënshkruhet në ligj nga Guvernatori i Shtetit Doug Dukey. Megjithatë, nëse miratohet vërtet, projektligji mund të krijojë një precedent për shtetet e tjera miqësore me kriptovalutat në SHBA.
Shumë shtete të SHBA janë bërë gjithnjë e më të interesuar për Bitcoin dhe kriptovalutat në përgjithësi.
Guvernatori i Floridës Ron DeSantis paraqiti muajin e kaluar një plan që do të lejonte bizneset në shtet të paguajnë taksa në kriptomonedhë.
Ligjvënësit në Wyoming kanë menduar të përdorin blockchain për të rritur transparencën në mënyrën se si shpenzohen fondet publike, ndërsa Ohio në 2018 u bë shteti i parë amerikan që lejoi taksat mbi asetet dixhitale, por iu desh të anulonte programin për shkak të shqetësimeve se ai ishte nën standardet e duhura.
