Tre persona kanë humbur jetën nga një aksident tragjik i ndodhur në rrugën Elbasan-Librazhd në orët e para të mëngjesit të sotëm.
Një mjet me të cilin udhëtonin pesë persona ra në lumin Shkumbin në vendin e njohur si Kthesa e Murrashit.
Mjeti është rrotulluar disa herë para se të binte në ujin e ftohtë të Shkumbinit, niveli i të cilit është rritur ndjeshëm pas reshjeve të shiut.
Më herët dy persona, mes të cilëve një i mitur u nxorrën të gjallë nga makina. I mituri është dërguar në Tiranë për mjekim më të specializuar për shkak të gjendjes së rëndë.
