Policia në Alberta, Kanada ka lëvizur për t’i dhënë fund një bllokadë njëditore në kufirin me SHBA-në, organizuar nga kamionistët në shenjë proteste ndaj vaksinimit të detyrueshëm në të dy vendet, por nuk arriti të prishë demonstratën.
Policia Mbretërore Kanadeze e Albertës (RCMP) tha se do të ‘vepronte për të ruajtur paqen’ në pikën kufitare në Coutts të martën, duke vënë në dukje se përpjekjet e saj për të zgjidhur përplasjen me protestuesit kishin dështuar.
“Ai që mund të ketë filluar si një tubim paqësor u shndërrua shpejt në një bllokadë të paligjshme,” tha RCMP, duke shtuar se ndërsa banorët kanë të drejtën e ‘lirisë paqësore të shprehjes’, publiku gjithashtu ka të drejtë për ‘një mjedis të sigurt dhe lirinë e lëvizjes’.
Megjithëse raportet e mediave lokale thanë se oficerët ishin në gjendje të fillonin të largonin protestuesit dhe kamionët nga bllokada, të tjerët ‘kundërshtuan të largoheshin’ dhe vendosën ‘bllokada dytësore’ përgjatë rrugës. Pamjet me dron që thuhet se janë kapur natën, duket se tregojnë një nga protestat e ndalura, ku mbetën dhjetëra automjete.
Kryeqyteti i Kanadasë, Otava është goditur gjithashtu nga protesta të konsiderueshme në ditët e fundit, me mijëra njerëz që iu bashkuan ‘Karvanit të Lirisë’ për të denoncuar vaksinimin e masat e tjera shtrënguese të qeverisë kanadeze.
