Një variant i ri shumë i transmetueshëm dhe i rrezikshëm i HIV-it është zbuluar në Holandë.
Një studim ndërkombëtar, i udhëhequr nga studiues nga Instituti i të Dhënave të Mëdha të Universitetit të Oksfordit, identifikoi 109 raste të variantit të ri të ‘nëntipit virulent B’ (VB) pas analizimit të më shumë se 6700 mostrave pozitive.
Hulumtimi zbuloi ndryshime domethënëse të gjenomit midis sojit VB dhe varianteve të tjera të HIV.
“Individët me variantin VB kishin një ngarkesë virale (nivelin e virusit në gjak) midis 3.5 dhe 5.5 herë më të lartë,” thanë shkencëtarët. Rezultatet e hulumtimit të tyre janë publikuar në revistën Science.
Shkalla e rënies së qelizave CD4, e cila është shenjë dalluese e dëmtimit të sistemit imunitar nga HIV, ‘ndodhi dy herë më shpejt te individët me variantin VB, duke i vendosur ata në rrezik të zhvillimit të SIDA-s shumë më shpejt’.
