Sekretari i Përgjithshëm i LSI-së i është përgjigjur homologut të tij te PD-ja Gazment Bardhit i cili akuzoi se kandidatët e Berishës kanë mbështetur LSI-në dhe PS-në në Lushnjë dhe nuk përfaqësojnë demokratët.
Bramillari thotë se kandidatët e Berishës të regjistruar te LSI-ja pasi janë kandidatët e opozitës së vërtetë.
“Kam firmosur sot me përgjegjësi të plotë dokumentacionin e dorëzuar në KQZ për kandidimin e kandidateve të Shtëpisë së Lirisë për zgjedhjet vendore të 6 Marsit.
Kandidatët e Shtëpisë së Lirisë janë të gjithë kandidatë të zgjedhur nga anëtarësia e Partisë Demokratike, përmes primareve të organizuara nga Komisioni i Rithemelimit të PD.
LSI dhe PDK, i ka mundësuar mbështetjen formale kandidimin ne mënyrë që qytetarët e 6 Bashkive të kenë mundësinë të votojnë një kandidat që përfaqeson opozitën e vërtetë.
Zgjedhjet janë në 6 Mars, qytetarët kanë dy alternativa:
votë për Opozitën (Shtëpia e Lirisë) që përfaqëson interesin e opozitës se vërtetë,
ose Kandidatët e Ramës dhe kunat-opozitës Basha-Bardhi që mision të vetëm kanë interesin personal”-shkruan Braimllari.
